每次買新電, 都會用幾項工序活化排電, 以下以1300mAh鋰電為例...

第一件事, Mark低排電嘅電壓及每一Cell嘅電壓, 純屬記錄性質...
通常新電都係大約11.45V, 長時間保全係最理想...

跟住用e-STATION 501DX及PB-5差電, 用電腦記錄差電狀況...

第二日, 記錄排電嘅電壓, 我覺得越高C數, 隔晚電壓跌得越多...
用501DX及PB-5, Set 2A放電25分鐘, 通常自動調節到0.9A, 放電量373mAh, 用電腦記錄放電狀況...
再記錄低排電喺25分鐘時嘅負載電壓, 排電輸出效能好唔好, 睇呢個數值已經大約可以知道, 不過呢個數值越高, 並不一定代表排電耐用...
隔晚再用501DX及PB-5差電, 用電腦記錄差電狀況...

第四日, 記錄排電嘅電壓...
連接Eagle Tree MicroPower eLogger及電子Voltmeter, 用一個12V 50W石英胆大約4A放電8分鐘, 記錄排電喺8分鐘時嘅負載電壓...
隔晚再用501DX及PB-5差電, 用電腦記錄差電狀況...

第六日, 記錄排電嘅電壓...
今次用兩隻石英胆並聯, 大約8A放電5分鐘, 記錄排電喺5分鐘時嘅負載電壓...
應該放咗大約50%電量, 負載電壓大約10.6-10.8V...

三個Charge/Discharge Cycles(CDC)已經用咗6日...
以前有心機, 玩足五個CDCs, 依家都係求其三個CDCs就算數...
遲啲Train排Hyperion LVX1500-3S, 就會用番五個CDCs, 但求心安理得...

如果排電唔係1300mAh, 會將每個放電程序嘅時間加長, 令到最尾o個次放到50%...

講番排新買嘅國產1300mAh鋰電...

喺第一步用501DX及PB-5放電時, 已察覺到第一Cell負載電壓比其餘兩Cells為低...
第二步再用501DX及PB-5放電, 唔用石英胆, 第一Cell負載電壓明顯低好多, 相信o個Cell係有問題...








番查以往其他新電嘅記錄, 從未試過有咁大偏差...
好彩老板容許換過另外一排, 值得嘉許...

以往Train電都係集中喺整排嘅負載電壓, 無特別留意每Cell電壓, 今次學到嘢...

跟據記錄, Vislero 1300mAh嘅放電負載電壓係最高, 其次係APLUS 1350mAh, 跟住係ZP 1300mAh...
不過呢個比較一定要係接近相同容量電池先至公平...
跟據現時電池嘅肥脹程度, 第一位亦都係Viselro, 其次APLUS, 最瘦係ZP...