尋晚喺雷記買咗個熨斗仔, 貴就貴咗少少, 不過佢有CE標記, 電器用品都係買穩陣啲嘅較好...

用細熱力開始慢慢試, 最後要擰到中大熱力, Film Covering先識收縮...

放Aileron喺平枱面, 壓實兩邊...
但一個人得一雙手, 兩隻手用嚟壓實, 就無手揸熨斗...
用其他嘢壓又唔係咁易較啱力度...

最後諗到一個方法, 左邊用左手, 右邊就用腳板壓實, 右手揸熨斗, 好搞笑...
個人坐喺度, 隻腳要放上枱面, 又唔可以太大力, 都咪話唔辛苦...

經過幾次兩面重覆熨壓, 原本幾嚴重嘅變形, 終於可以整到正番哂...
見熨得咁過癮, 索性熨埋兩邊主翼及機體, 非常高興...

另外, 尋晚再買多四排Zeta-Plus 1300mAh, o個啲肥仔枕頭Vislero 1300mAh除時可以退役...
買多兩排Hyperion LVX1500-3S或 LVX1800-3S, 就已經足夠玩一年以上...