架Ultrafly P-51D越整越慢, 每晚都只係整少少, 真係噤玩...

終於整到收轆o個部份, 我參照房仔用咗8個鐘嘔心瀝血嘅設計, 重做過枝收轆推桿, 個轆可以藏得好啲...

睇咗接近30版rcgroups, 有一個機主已經想放棄, 主要問題係個機艙罩同收轆...

有兩個機主個機艙罩成日甩出嚟, 新機已經係咁, 唔知個問題出喺邊度, 希望睇落去有答案...
有人提議用魔術貼, 我就喺鴨記買咗超强磁石...

至於個收轆系統, 其實都幾化學, 未買架機之前, 都知道唔可以用普通Servo, 因為好易會掃牙...
結果買咗Hitec HS-65MG Servo, Fit哂位, 不過都幾貴, 2佰幾大元一隻, 有啲玩車仔時嘅感覺...

用咗咁多時間整, 開始擔心會唔會喺Maiden Flight就抄, 要同佢影定多啲遺照...
以我以住嘅紀錄, Maiden Flight都係五五波...

昨晚同房仔用隻Mustang玩Sim, 開始練習...
Land得靚, 收轆系統就唔會爛, 所以Landing係練習嘅主要項目...