上星期又打風, 諗住星期日會落雨, 點知好好天, 仲出埋太陽, 真係天有不測之風雲, 不過遲起身, 懶得去玩, 如果有車, 一定會去, 當遊車河都好, 駕駛都係一種樂趣, 真係好懷念以前有車嘅日子...

開始整架Helios, 原本無打算咁快整, 不過啟德死期將至, 再唔整就可能無機會玩...

架Helios比Katana F3A有改進...
Canopy用磁石吸實, 換電喺上面換, 方便好多...
Elevator及Rudder Servos搬哂去機尾, 雖然外觀無咁靚, 但實用性更好...
Wing Spar加咗玻纖板補强, 主翼插Wing Spar位亦唔需要好似YAK-55SP咁改良, 原裝已經好實淨...
主翼改用鏍絲上實機身, 放棄用橡筋...

另外, Wheel Pants面係無縫, 比CAP 232更靚...

但Aileron插Control Horn個Slot太濶, 好多虛位, 要填AB膠...

Stablizer要攝少少, 令到同Fin成90度角...

Elevator移動位置被擴大, 依家可以做到超過45度...

今晚會開始裝置Servos及整延長線...

摩打會用Scorpion S-2215-18搭9x6E, 由於機身較瘦, 機速應該會較高...

電池打算用Zeta-Plus 11.1V 1300mAh, 因為無其他機啱用, 唔想浪費啲電池, 不過唔知夠唔夠力...

預計下星期可以試飛...
啟德, 等埋我呀!!!