上兩個星期「聯合國兒童基金會慈善跑2009」開始接受報名...
諗咗幾日, 究竟参加10Km定係半馬?

以現時狀態, 跑10Km絕無問題...
「無問題」嘅意思係可以唔駛停低慢行, 可以Keep住跑完10Km, 時間就盡力而為...

至於半馬, 暫時都未係時候, 就算膽粗粗參加, 多數都係半跑半行, 無乜意思...

最後都係決定報10Km, 睇吓自己跑10Km嘅實力...
阿輝就報半馬, Ban應該會參加日本富士山全馬...

如果幸運報到「Nike香港十公里挑戰賽」, 呢個會係自己第一個10km賽事, 兩星期後先至到「聯合國兒童基金會慈善跑」...

今個月開始每次加里數到8.8Km, 如果狀態良好就用正常步速完成, 反則加5至10秒一圈...
打算每個星期六都去荔枝角公園跑LSD, 鍛鍊耐力, 希望可以逐漸加到完成15Km以上...