上個星期, 日日都係嚴寒警告, 除咗番工, 都寧願留喺屋企捲實張被...

飛行運動差不多完全停止, 無出去放機, 又無玩Sim, 只係久唔久整吓架Twin Dragon...

其實架Twin Dragon都整好咗8、9成, 想加多兩條碳纖棒撑實主翼尾部及機身, 因為依家稍為軟咗少少...
機頭未上油, 電仔部份未黐...
度完CG位置, 決定電池擺放位置後, 要再加强機頭...
對比番上星期, 其實進度緩慢...

雖然天氣冷, 如果要出去放機, 其實都可以接受...
不過依家無咁大癮, 加上受啟德封場消息影響, 更加無心情...

依家覺得玩飛機嘅挑戰性已經降低, 對新機嘅新鮮感都係一閃即逝...
練較難嘅動作亦唔係一朝一夕可以練到, 所以依家都係有得玩就玩, 無得玩都無乜所謂...

自己本身較喜愛睇書, 一有時間, 都會繼續進修, 吸收番基本及進階知識, 所以隨身都有一本書或一疊資料...

不過依家主攻玩蝦, 飛機已經成為配角...