原本諗住喺淘寶網訂啲平平哋嘅EPP 3D機, 但由於無Visa Certify嘅Visa Card, 所以一直將計劃擱置...

上星期再入淘寶網睇吓有無新機種, 搵吓搵吓, 竟然搵到有人賣Hokusei EPP機, 價錢仲好吸引...
搵Agent幫我Bid, 但回覆係賣家唔付運到香港, 好失望...
把心一橫, 索性問Hokusei HK, 擺咗價錢再決定...

其實好耐之前, 已經試過問Hokusei HK關於啲靚仔木機, 不過回覆係天價, 所以自此之後, 都無諗過會買Hokusei啲機...
今次收到回覆, 有驚喜, 同喺淘寶Bid加運費加手續費差不多...

打算一次過訂兩架, GeeBee EPP BX係必買, 唔駛諗...

另外一架諗住係Primus EPP, 但諗唔掂買BX好定係Z好...
Hokusei HK話BX同Z嘅飛行特性差不多, BX嘅底部係平面及較Z貴; 另外, Ultima就會較難飛...

開頭打算買Primus EPP BX, 因為Wing Span大少少, 但Wing Area比Z少...
後來再喺Hokusei Japan抄料, 發覺Z比BX新款, 所以決定轉軚...

依家Hokusei加咗Dualsky啲摩打及電池做建議裝置, Dualsky可以同AXI及Hyperion等大廠相提並論, 真係唔講得笑...
Dualsky產品啲價格都幾吸引, 據聞摩打效能唔錯, 不過電池耐用性就仲未試清楚...

最後, 決定訂一架GeeBee EPP BX及一架Primus EPP Z, Billy同我一樣都係訂呢兩架, 不過佢架GeeBee係另一個塗裝...
另外, 買多兩排Dualsky 11.1V 850mAh 25-30C, 試吓啲實力, 反正都唔貴...








Hokusei啲質素真係幾好, 有藝術品感覺, 雖然比大陸EPP 3D機貴差唔多一倍, 不過都係值得擁有...

依家, 最頭痛反而係GeeBee個摩打, 想試吓Dualsky XM2826CA-18, 不過呢個摩打係3.2mm芯, 唔係咁鍾意...
但個價錢實在幾吸引, 唔理咁多, 訂個試吓先至算...
遲啲有時間, 先至會買Hyperion Z2209-32...

至於電池, 打算GeeBee用650mAh 3S, Primus就用850mAh 3S及1000mAh 3S...

暫時都未決定整邊架先...
因為依家整緊架YAK-55SP 10e, 都係整完呢架先至算...