12月14日去咗迪士尼, 原來今次已經係第四次去, 但每次去嘅季節都唔同, 所以一啲都唔覺得悶...

今次迪士尼嘅主題係雪亮聖誕, 有一間米奇聖誕屋, 多咗一場星閃皇家舞會, 及用泡泡造嘅飄雪...

人流頗多, 排隊玩馳車天地及入米奇聖誕屋都花咗唔少時間, 如果係第一次到迪士尼, 無可能玩得哂...

其實覺得聖誕氣氛只是一般, 地方空曠, 唔似室內商場可以做到咁繽紛奪目...

入場時送眼鏡片, 夜晚睇煙花或燈飾時, 透過眼鏡片, 燈光變成一個個雪人, 好過癮...

最靚係星閃城堡, 入夜後燈飾亮起, 成個城堡閃閃發光, 加上不停變幻嘅燈光做襯托, 好似啫喱糖...

帶咗枝Nikkor AF-S VR 24-120mm f/3.5-5.6G IF-ED, 已經夠哂用...
自己對手一向都好定, 用安全快門低1至2級都無問題, 依家枝鏡有埋VR, 就算畀另一半用嚟影相都唔怕鬆郁濛, 果然係一枝方便好用嘅旅行鏡頭...