上星期公司搞Re-organization, 但好多事項都係最尾一刻先至確定, 搞到要將2星期嘅工序迫住喺幾日之內完成, 忙到一頭煙...

老闆個老闆又喺喥扮勁, 自己唔識唔明, 就以為全世界都係同佢一樣; 又要搞風搞雨, 浪費咗我哋好多精神時間招呼佢...
畀佢搞到星期六要5點鐘先至可以開始動工, 唔駛做到通頂已經好好彩, 不過要停飛一星期, 回一回氣...

做得咁辛苦, 當然買返啲嘢玩吓...
上星期四買咗輝煌白軀、包頭白軀、麻呂包頭白軀及麻呂包頭W丸各一隻...
除咗輝煌白軀係公蝦外, 其他三隻都係母蝦...

可惜過咗兩日, 輝煌白軀已經頂唔順, 其餘三隻都呆呆哋...

思前想後, 可能係NO3過高, 超過20mg/L, 啲新住客唔習慣...
用ADA泥係有NO3過高嘅問題, 新舊兩個缸都有相同情况, Billy用白倉泥就無事...

星期二晚, 求求其其做完Gym後, 衝去魚街, 買Eden 501濾筒及Seachem de*nitrate...
12"缸用3個Eden 501, 都有少少誇張, 而且幾阻地方, 不過為求養高質蝦, 無辨法...

過咗兩日, NO3依然高企, 不過說明書例明要幾日時間養菌, 唔急得...
咁唯有每晚用蒸流水換5-10%水, 希望可以溝淡啲, 等啲蝦可以捱過呢幾日...