兩星期前, 由於個新蝦缸NO3持續偏高, 串聯3個Eden 501, 頭兩個用TOTTO生物環養好氧菌, 水流經過完呢兩個濾筒, 水中氧份希望可以消耗得七七八八, 到第三個裝滿Seachem de*nitrate嘅濾筒時, 厭氧菌可以產生, 轉化NO3成氮氣...
同一時間, 每晚換2L蒸流水, 減低NO3濃度...
經過一個多星期嘅試驗, NO3維持20mg/L左右...

據聞用金魚茜吸NO3效果良好, 走去買咗$5一扎, 用咗幾日, 效果唔太明顯...

上星期五再向Ivan買多2對包頭白駒紅水晶蝦, 其中2隻有麻呂, 不過無上次o個隻極厚白全包頭白鬚全白身麻呂白軀咁靚...
花咗一晚時間慢慢對水, 極度疲累, 所以放棄星期六嘅飛行日...

加咗新蝦後, 停止每晚換水, 減少水質震蕩...

向Ivan請教, 佢建議用PowerHouse曱甴屋(長效硝化細菌培養包), 一個月一包, 可以有效降低NO3, 唔慳得...
聽完之後, 第二日立即去買...
到今日已經用咗差唔多一星期, 聽晚換完水測試NO3, 睇吓係咪真係咁犀利...

睇番Ivan嘅Settings, 4枝KSS 12000K光管, 開3個鐘, 停一個鐘, 再開3個鐘, 避免爆藻...
强光照對蝦嘅厚白據聞係有幫助, 既然高手們如Ivan都係咁做, 一於照跟...
用HQI可以做到好靚嘅水影, 起初有諗過用HQI, 但係HQI所發出嘅熱力實在太强, 所以暫時放棄...

昨晚去魚街, 買咗水草店20W T8x4燈架, 再買多兩枝KSS 12000K光管...
依家3枝KSS 12000K加1枝ADA NA, 已經足夠, 不過擔心爆藻, 所以打算開2個鐘, 停一個鐘, 再開2個鐘...

現時整缸有7隻白軀(3公4母)、1隻W丸(母蝦)及1隻虎牙(母蝦), 其中虎牙係我嘅至愛之一...
如果唔死蝦, 都唔會再加添, 等佢哋長大及繁殖...