喺北海道返嚟之後, 跑咗三次場一次街...

10Km時間開始可以51分內完成, 不過要Sub 50, 仲係有少少難度, 睇嚟要過多一排, 身體至可以調節得到...

今個星期二開始, 開始接受2010渣打馬拉松報名...
Ban當晚立即報名全馬, 我就翌日報半馬, 阿輝都將會報半馬...

起初都有考慮報10Km或半馬...
覺得自己嘅能力, 以慢跑步速, 應該勉强可以完成半馬, 所以最後決定挑戰自己, 參加半馬賽事, 暫時目標係Sub 2完成...
不過半馬起步地點及時間係尖沙咀及6:00am, 咁咪最遲要4:00am起床!!! 有啲攞苦嚟辛嘅感覺...

等身體好啲, 就會開始每兩星期一日嘅長課, 鍛鍊自己嘅耐力, 而且要練多啲斜路, 據聞入西隧後, 就係惡夢嘅開始...