Nike+ The Human Race 10K前一晚, 計劃策略如何如何...
不過一落到場, 第一個熱身圈已經跑得頗快, 之後減慢少少, 避勉過早消耗太多體力, 一直保持1'56"至1'58"一圈...
到第12個圈左右, 開始覺得呼吸不順, 體力下降, 跑速減到1'59"至2'01"一圈, 一直捱到最尾一圈再次發力, 最後以49'22"26完成...

雖然已經係今季最好成績, 但未能衝破49', 有少少失望...
以香港區計算得到第八名, 其實應該Ban係第八, 我係第九, 因為我隻Sportband計咗10.09Km , 佢隻計咗少過10Km, 以自己手錶計算, Ban係快過我, 不過大家都係Just For Fun, 無乜所謂...
至於以全球成績計算, 名列第3371位...

星期一重陽節假期, 四點鐘去咗跑公園, 太陽咁早就開始落山...
當日打算玩LSD, 鍛鍊耐力, 開始準備出年嘅渣打半馬...
最後以輕鬆嘅心情完成15.3Km, 1hr22'32"26, 5'23"68/Km...
如果以呢個速度, 捱多6Km, 兩個鐘內完成半馬應該唔係難事, 可能可以提高目標到1hr55'...

昨日晚飯前跑場, 第一圈2'03"33, 好鬼慢...
第二圈發力, 一直維持1'57"左右一圈...
跑到一半已經覺得可以PB, 催迫自己保持速度...
去到尾四圈, 體力用得八八九九, 堅持再度發力, 以48'44"53完成...
當初我以為會比上次紀錄快半分鐘, 原來只係快咗8秒...
要衝破48分鐘, 真係唔易...

明日打算再挑戰15Km, 希望時間可以快少少, 咁下星期可以計劃加多2Km...