不知不覺, 已經寫了一百篇...

上年八月, 架Edge 540T飛越夕陽, 睇唔到方向, 最後失速縲旋, 墜機成為碎片...

之後, 就開始寫Blog, 提醒自己唔好再做錯動作...

另一方面, 亦寫低自己嘅搖控飛行運動歷程, 包括製作、改裝、測試、設定、飛行記錄等...

因為唔識中文打字, 所以全部都係用手寫筆輸入, 都幾攞命, 但係又懶得學倉頡...

大半年來, 都無乜新人加入, 十隻手指都數得哂, 依家主流係電直, 無辦法...

玩飛機嘅限制比較多, 而且比較辛苦...
大熱天時, 廿幾三十磅裝備, 迫巴士, 落咗車仲要行至少15分鐘, 唔係咁多人會願意...
我就當段練體能, 反正一星期做一次Gym都唔夠運動量...

到現時為止, 都係專心玩電飛機, 以1m Wingspan以下嘅花式機為主, 偶而都會玩高翼機或World War II War Bird, 現代戰機或空中巴士就不感興趣, 點都係花式機㩒玩啲, 因為仲有大把花式要學要練, 無咁易悶...

回想這大半年, 飛機就買咗好多架, 但係技術就無大特破...
嚟緊嘅日子, 要減少整機時間, 多啲練Sim...