整咗五日, 架Katana F3A終於搞掂, 破咗自己嘅最快紀錄...
不過我都係鐘意慢慢整, 享受整機嘅過程...

架機都好易整, 啲位好準, 除咗兩大問題...
用Hyperion HP-Z2213-20, 摩打唔夠前, 無可能裝到Spinner及Propeller, 最後我墊咗銅杯士整前啲個摩打, 再加一個Collar喺個槳夾, 先至勉强搞掂...
另一個問題係無位鉗實個槳夾, 好難鎖實隻槳...
呢個設計好有問題, 為求外觀, 放棄咗用家嘅方便性...

用Vislero 11.1V 1300mAh, 全備重量達到670g, 比預期多咗幾十克, 可能啲Servo Stoppers、强化腳架、摩打杯士、Servo延長線, 都會加大負載...

另外, Rudder移到左右盡位時, Servo都會有少少Dee Dee聲, 應該係枝推桿唔暢順, 但由於Servo係中置, 好難搞...

Manual寫得好簡陋, 得啲圖, 字都唔多隻, Hyperion Logo都無個, 好似大陸老番機...
圖示又唔係好清晰, 搞到我Cut錯咗個Canopy, 真係慘...