星期二收到鋒仔電話, 我隻Hyperion HP-Z2213-20摩打已經整好, 非常高效率, 真係唔該哂...

咁啱鋒仔喺鼎豐, 想買Z2213-20, 但無現貨, 剩係有Z2213-24...

當我去到鼎豐, 後生吹水店員就話Z2213-24都唔錯㗎, 係啲聲音及感覺同Z2213-20唔同, 講咗等於無講...
後來鋒仔同我講番, 吹水店員話Z2213-24同Z2213-20都係差幾十KV, 事實上係相差175KV, 又一次俾錯資料...

見到有G2213-20, 問吹水店員幾多KV, 店員叫我哋自己上網Check, 真係犀利...
知道房仔對G系列有研究, 索性打電話詢問意見好過...

研究咗一輪, 都係Z2213-20最適合...
打算同吹水店員落單訂貨, 點知佢話訂唔到, 話G2213-20會取替Z2213-20喎...

我知道G係設計俾Glider用, 4mm軸, 而且唔係兩邊都可以Mount到, 點都無理由G2213-20可以取代Z2213-20...
既然訂唔到, 唯有放棄, 再諗諗...

後來用Email問過Aircraft-World, 答覆係無聽過G系列會取替Z系列...
另外, Post咗喺RC Groups, Quiet RC Flying亦都係咁講...

鼎豐啲店員, Hard Sell、吹水、無料, 唔識又扮識, 真係天下無敵...