星期六去咗睇第二個醫生, 醫生話係跟腱炎, 開咗三日消炎藥...
最怕食消炎藥, 搞到個胃唔舒服足三日, 但唔食又唔得...

醫生亦吩咐盡量唔好行咁多, 及最好停跑一星期...
由於返工放工及工作需要, 好難避免步行, 不過就盡量避免行樓梯, 尤其係落樓梯, 好傷膝部...

自上星期二喺Gym跑20分鐘Treadmill, 已經停咗一星期有多...
依家覺得比上星期好咗, 但都係進展緩慢, Keep住一日搽三次「服他靈」...

非常掛念跑場嘅日子...

前兩晚開始每晚冰敷15分鐘, 有少量幫助...
不過今朝睇書話冰敷應該係受傷初期治療用, 復原期應該用熱敷, 今晚就試吓熱敷...