為咗準備今個星期嘅Test同Assignment, 上個週末停玩一週...

前幾晚收到Albert嘅好消息, 機皇Katana Mini終於有機會入手, 四個星期Shippment, 價格接近一千, 不過都平過喺美國進口, 真係要多謝Albert嘅幫手...

就算入咗手, 都會擺番一年半載, 欣賞夠先至捨得玩, 同埋都要練好啲技術先敢玩, 無理由攞架機皇嚟遊機河, 屣料兼夾俾人笑...

另外 Albert話Ultrafly Extra 300S會喺十月底前番貨, 相信呢架都係一架好機, 我對Ultrafly有信心...

而架SAPAC Extra 330L就遙遙無期, 不過都無所謂, 反正都唔知SAPAC嘅質量...

依家屋企仲有架YAK-28未砌, 佢係我第一架擁有嘅木機...
我好鍾意呢架機, 機身細, Pattern靚, 用料好, 仲係Limited Edition...
買咗半年都未捨得玩, 預計會玩完架Ultrafly Extra 300S先至砌, 得閒都要拎出嚟睇吓有冇發霉...

下星期有一份功課, 一個Test, 今個星期要閉關, 停止飛行活動一星期, 不過都可以喺Lunch Time玩一陣Sim, 繼續練習Landing...

等緊Ultrafly Extra 300S番貨, 希望可以喺11月頭到手, 到時應該無咁忙, 可以開始慢慢砌, 依家諗定油乜色都差唔多...
真係好想快啲試吓高質量Foam機嘅威力...

今次唔會再黐膠紙喺機身, 一來慳時間, 二來靚仔啲, 三來可以輕啲...

另外, 如果團購SAPAC Extra 330L成事, 咁我又可以多一隻機俾我練Aerobatics Flying...
其實SAPAC Extra 330L仲靚過Ultrafly Extra 300S, 不過質量就唔知好唔好...

機友Bronney幫手錄製嘅Flight Video...

上星期六無太陽, 又微風, 放機最理想...

一早去到將軍澳, 無玩架Formosa幾個月, 今次係大修之後第一次試飛...

裝備:
- EMAX BL2215/20 1260KV
- EP8060, EP9047, EP9070, APC 8.5x5E
- Otter BS25A ESC
- Futaba 156F Rx
- Zeta-Plus 11.1V 1800mAh 16-20C
- 飛行重量 624g (不包括鋁腳架)

第一個Flight喺舊位玩...
今次加咗鋁腳架, 機身較重...
雖然CG位置同以前一樣, 但摩打有下攻角, 所以架機好聚頭, 唯有較Elevator頂住先...
架Formosa真係好正, 經過少許調較, 細角反應唔夠靈敏, 打大角, 基本動作已經做到...
Landing雖然唔錯, 但係個腳架「棘」住啲草, 機底爆開...

第二個Flight搬咗出去近地鐵站個大草坪玩, Landing Path長啲易睇啲...
面向地鐵站, 太陽唔會刺眼, 不過由於近咗馬路同民居, 壓力亦都大咗, 唔可以飛得太開, 好驚會跌出馬路...
放棄咗個鋁腳架, 唔再聚頭, 機身輕咗, 仲好飛...

跟住o個三個Flight, 試過EP9047, EP9070同APC 8.5x5E...
用EP9047係最慢, 好似唔多想郁咁...
EP9070就好快, 不過個槳窿鑽得唔靚, 一俾大油就好嘈, 好驚佢會喺空中斷槳...
APC 8.5x5E都OK, 不過隻槳實在太硬, Landing時打地整跌咗個摩打座, 又要黐番...

最尾兩個Flight, 都係用番EP8060, 下次會試吓APC 10x4.7SF, 拖慢啲架機...

最後一個Flight, 忽然間發覺唔見咗個Canopy, 我諗係喺做完Stall Turn, 落嚟做Roll時跌咗, 揾唔番...

EMAX BL2215/20真係好正, 好夠力, 用EP8060槳都可以玩到Knife Edge, 而且非常慳電, 6分鐘Flight Time加Landing, 電壓仲可Keep到11.8XV...

我所有練過嘅花式都可以用架Formosa玩到哂, 非常過癮...
今個星期要用Sim練多啲花式, 星期六再實習...

昨晚整Formosa, 加咗2mm炭棒喺尾翼, 硬度即刻强化咗...

已發覺主翼同尾翼嚴重不平行, 相信係由於機體已經扭曲, 今晚再諗吓辦法修正...

明早應該會到將軍澳試一試, 用EMAX BL2215/20 1260KV應該好夠力, 再嘗試配搭EP8060或APC 9吋槳...

另外, 有一排Zeta-Plus 11.1V 1800mAh 16-20C嘅其中一Cell無故壞咗, 放電唔夠700mAh已經跌低過3.0V...
我已經好好保養啲電, 但都係頂唔過10個Flight, Lithium-Poly電池真係好難搞...

房仔o個架都好正, 四眼雞丁仕樣...











我用手約略度過CG位置, 房仔o個架個CG位置比我o個架前, 佢停哂油之後可以Glide到好遠, CG位置正確...

房仔架Edge 540T飛行Video, 一定要睇到尾, Hovering再加Landing非常清脆利略, 藉得一睇再睇...

抄機前嘅靚仔相...











裝備:
- EMAX BL2215/25 800KV
- APC 11x5.5E, APC 11x7E
- Otter BS25A ESC
- Futaba 146iP Rx
- Zeta-Plus 11.1V 1800mAh 16-20C
- 飛行重量 796g

因為個EMAX BL2215/25無刷摩打得800KV, 開頭擔心佢會唔夠力...
第一個Flight用APC 11x5.5E槳, 覺得機速唔係好夠, 我比較鍾意飛得快少少, 唔駛驚失速...
第二個Flight開始用APC 11x7E槳, 速度有所提升, 比起EMAX BL2810仲有一段距離, 不過級數唔同, 唔可以比較...

起初用Otter BS40A電變, 用EMAX BL2215/25搭APC 11x7E測試後發覺半雞得4.5A左右, Full雞有17A...
我習慣飛行時用半雞左右, 如果半雞得4.5A, 一定唔夠, 要推高油門, 我會唔慣...

我枝入門級Futaba T6EXAP控又無得Set Throttle Exponential Curve, 唯有死死氣轉番用Otter BS25A電變, 測試後半雞有8.5A, Full雞維持17A, 正常好多...

台灣"飛行披薩"網有網友話唔應該用A數去行量, 應該用轉數, 諗落係有道理, 不過我個轉數錶係Laser型, 好鬼難用, 所以懶得用...

等房仔設計一個正嘅轉速堆力測試台, 咁就可以方便收集轉速同推力數據...

上星期六, 天文台話2級風, 一早去到啟德, 覺得都有3級風左右, 天氣幾好, 有太陽, 不過有煙霞...

Edge 540T AJ仕樣首航, 整體都算好定, 可能因為用11吋槳, 有少少扭左...
俾油時架機亦惡頭, 唯有Trim Elevator頂住先...
第一個Flight, 慣例都係遊機河, 試吓CG...
Landing臨落地時收哂油, 喺地面彈咗一下, 跟住機頭想向下指, 嗱嗱林俾一下油, 抽高個頭, 無事...

第二個Flight, 電池移前1cm, 將CG推前, 希望無咁惡頭...
上到天, 好似好啲, 試吓收哂油做Gliding, 試試CG位啱唔啱, 點知架機好怪, 初時向上惡, 1秒後就開始指向下...
今次Landing幾好, 貼地跣住落...

第三個Flight, 電池移番去原本位置, 再試一試做Gliding, 今次就好啲, 可以Glide到一段距離...
開始對架機有信心, 試吓打Roll打Loop同反飛, 都幾定, 尤其係反飛時, 架機好靚...
由於架機偏向惡頭, Landing時要頂Down㩒低架機, 但係一放平Elevator架機又升起, 嘗試三次降落都係失敗...
喺第三次嘗試降落失敗後, 抽頭走人再嚟過, 但係飛得過低, 俾棵矮樹Kick到, 跌咗落嚟, 機身無事, 不過摩打芯攣咗...
得到鋒仔同房仔嘅幫助, 將枝芯整直, 再加GWS槳夾, 勉强玩住先...

第四個Flight, 因為枝摩打芯都係有少少攣, 如果轉速高, 槳震都幾嚴重, 所以機速唔可以太快...
Landing落點早咗少少, 仲未可以做到隨心所欲...

第五個Flight, 起飛後不久, 聽到直升機聲, 回頭一望, 來勢洶洶, 急急飛去右邊, 再回頭做Landing...
平時做Landing會飛去打板球方向, 用大回旋轉向, 再做Final Approach...
但今次臨急臨忙, 飛去右邊直路尾, 用細回旋掉頭, 掉頭時唔夠位, 加上風吹, 結果機翼撞到圍板, 跌咗落地...
開頭以為無乜事, 點知係重傷, 機身中段斷咗, 機頭唔駛講, 碎哂, 不過好彩機翼完整無缺, 如果唔係又要攞去堆田區...
房仔以為我會飛過圍板避一避, 但我決擇錯誤, 下次都係飛過圍板就算...

後來諗一諗, 架機飛得怪怪哋, 俾大油就惡頭, 如果Set下攻角, 應該有所改善...

經過上一次喺將軍澳强風下飛行, 覺得Landing嘅技術需要再磨練一下...

今次再飛Edge 540T, 真係有少少壓力, 要集中精神, 唔可以再做錯動作...

我以前有玩過Reflex XTR Flight Simulator, 不過無時間認真玩...
近期出咗新Update Version 5.03.0 Step 1, 有新場景同新飛機...

我上星期Uninstall咗舊Version, 重新由頭裝起, 跟住用Reflex with Selectable Pilot Position場景, 試番哂以前Download嘅飛機, 每一架都起碼做一次由右至左嘅Landing, 到現時為止, 都只係試咗廿架左右, 仲有幾十架未試...

點解試得咁慢? 因為要番工, 又要番學, 又要整機, 邊有咁多時間玩, 我依家大部份時間都係集中練一架機 - Precision Aerobatics出品嘅Katana Mini, Precision Aerobatics係一間澳洲公司...

我第一次睇Katana Mini嘅Demo Flight係由Kyle Woyshnis操刀...
Kyle飛呢架Katana Mini真係飛到出神入化, 我睇過其他人玩呢架機嘅Video, 完全同Kyle無得比...
我睇完個Demo Flight之後, Kyle就成為我嘅學習對象...

Kyle嘅飛行方式係Freestyle, 技術非常全面, 我覺得係F3A加3D, 好適合香港咁細嘅地方...
不過Kyle依家好似主力飛100吋以上嘅大機, 喺E-Flightline可以睇到佢飛大機嘅片段...

Katana Mini係我嘅Dream Plane, 不過喺香港買唔到, E-Flightline直頭唔喺美國出口, 可能供不應求, 就算揾朋友喺美國買完寄番香港, 價錢都要過HK$1500, 非常昂貴...
相比起, 大陸製造嘅Edge 540T就抵玩好多 不過質量用料就相對差少少...

我玩緊o個架Katana Mini Simulation Model係The W3 Group出品, 價值US$4.99, 價錢都算OK...
我雖然買唔到架真Katana Mini, 但買到架Simulation Model都好過無, 起碼唔駛怕撞爛...
啲鬼佬話個Model模擬得幾似, 機身像真之餘, 最緊要反應同真一樣...
W3G有個Demo Video, 我睇過後都覺得唔錯...


Precision Aerobatics應該有授權俾W3G, 因為我喺Precision Aerobatics個Website揾到條Link去W3G, 所以模擬質量肯定有保證...
最過癮係架機有一個Unique嘅Tail Number, 同埋機身可以印有一個自選機名...

開頭玩架Katana Mini時, 覺得佢啲反應好靈敏, 又好易失速, 飛行特性怪怪哋, Landing有啲難度...
如果係真機, 我已經抄咗無數咁多架...

我會保留架機嘅原裝Settings, 依家已經開始領悟到佢嘅脾性, 十次有八次嘅Landing係可以接受...
再玩多一排, 我就可以參考Kyle嘅Freestyle Flight, 改進自己嘅技術...

國慶三日假期都無去飛, 一來我啲機無一架飛到: Zero爆Motor Mount未整, Formosa個Motor Mount唔啱位要再整過, Edge 540T只係整得八成; 二來天氣預測風速有5至6級, 更加無心機趕工, 索性抖吓, 慢慢整...

經過咗三日整吓停吓, Edge 540T AJ仕樣終於搞掂...

由於上次個EMAX BL2810枝5mm摩打芯撞到攣咗, 用Edge 540T測試時勁震槳, 震到成個摩打連槳飛咗出嚟, 好彩反應快, 只係打到少少手, 無事...
去廣華街想配番枝芯都配唔番, 想買個新又無貨, 所以今次諗用邊隻摩打都諗咗一輪...

最後決定用EMAX BL2215/25 800KV搭APC 11x5.5E或11x7E, 阿輝架CAP-232都係用呢個Setting...
睇佢架機都夠快夠力, 不過我架Edge 540T有成796g, 起碼重多100g...

睇番個EMAX BL2215/25搭APC 11x7E Offical Spec., Static Thrust有1046g, 打過八折都有837g, 應該勉强可以...
如果唔掂先至換EMAX BL2215/20 1260KV搭APC 10x5E, Static Thrust有1171g...

房仔就用Redcon 2215 1000KV, 不過佢用11x4.7SF槳...
上次佢單拖試機時好大風, 打Loop時差啲失速縲旋...
佢話速度亦比起我架用EMAX BL2810慢, 不過大風加上用SF槳, 好難比較...

我好想錄低房仔用Edge 540T玩Hovering, 咁大架機, 應該都幾震撼...

Redcon啲摩打質素應該比EMAX好, 而且房仔隻Redcon 2215係1000KV, 我隻EMAX BL2215/25得800KV, 我都有啲擔心飛唔起, 就算飛得起, 都係只能遊機河, 做唔到動作...

日本Hokusei啲Mini木機, 佢哋用Standard Setting, AXI2212/20 1150KV或Hyperion Z-2213-20 1025KV搭APC 10x4.7SF, 不過電池就用1500mAh, 機重750-800g...
睇番佢哋啲Demo Video, 飛行方式比較接近3D機, Hovering動作比較多, 我就覺得麻麻地好玩, 不過我都會試用SF槳, 感受一下...

由於個EMAX BL2215/25比BL2810輕咗幾十克, 電池要放到機頭最前, CG都仲係有少少偏後, 可能加番5g喺機頭穩陣啲, 聚頭點都好過惡頭...

機頭底要界Balsa木開個窿, 方便用魔術貼固定電池...

其他設定同上次一樣, 除咗今次無Giroro做機師, 因為要盡量偷輕...

到現時為止, 預測星期六都仲係2級微風, 雖然係中秋節翌日, 就算瞓少幾粒鐘都要早啲起身試機, 孭住30幾磅裝備行廿幾分鐘, 真係辛苦過番工...

上星期五同航青開會, 佢哋解釋咗團體運作概念, 同佢哋喺報警前, 係得到地政總署嘅指引, 唔係一時三刻嘅決定...

根據航青講, 如果佢哋有租地o個日有意外喺啟德上空發生, 咁係會入佢哋數, 由於航青有買保險, 如有非航青人仕發生意外, 保險就唔知點搞, 而且可能會搞大咗件事, 令到佢哋以後都租唔到地...

至於和平共處嘅方案, 航青希望我哋可以喺星期日同公眾假期唔好到啟德玩, 避免發生誤會或意外, 其餘日子, 航青係唔會干擾...
其實呢個方案唔喺唔好, 不過唔係所有人都可以喺一至六玩...

Tony提出星期日10:00am前撤離跑道, 不過航青都以基於保險為理由反對...

我哋明確表明星期日會照去, 我哋亦希望可以有報Band機制, 減少Jam機, 保障航青學員嘅安全, 不過航青唔想默許相方同一時段下在同一範圍內有飛行活動, 所以都係不被接受...

航青亦强調如果發現我哋喺租地日飛行, 佢哋會向地盤保安報告, 保安員可能會報警, 航青係唔會再報警...

航青亦提出一項WinWin嘅建議, 建議內容暫時不提, 我要整理一下先...

大家了解相方嘅立場同困難, 航青希望我哋能將航青嘅訊息向其他人轉達...

會議歷時接近三個小時, 最後和平散場...