原本約咗阿Dick星期六朝早去將軍澳Set佢架E-Starter, 不過一早起身見到天黑黑, 加上唔夠瞓, 所以唔想搏, 當晚亦放哂义咗嘅電...

星期日原本要去迪士尼, 不過天氣預測話有雨, 所以星期六晚決定遲啲先至去...

點知星期日起身竟然見到太陽, 不過懶得再义電...
後來Check番天文臺, 風力好弱, 8-10km/hr, 好後悔無义電去玩...

四個星期無得玩, 極度手痕, 唯有喺屋企玩Sim...

鋰電义咗唔玩又要放到剩番一半電量, 真係好麻煩...
最慘係义放一次, 壽命又短一次, 每個Cycle都令到排電跌0.1V...
我諗我唔會再放一半, 以後放20%就算, 番义都慳好多時間...

星期一下午收到Albert來電, 佢話有好消息, 我以為係Ultrafly Extra 300S到貨, 原來係機皇Katana Mini如期付運...

收工後即刻去Albert鋪頭...

原來Albert未開箱, 個大紙箱上面仲有Precision Aerobatics嘜頭, 一個大紙箱可以裝五盒, 睇到Albert入咗1盒紅色俾房仔, 2盒紫色同2盒橙色...

當場即刻拆盒研究一番, 機身比想象中細, Size同Edge 540T差唔多...

番到屋企再仔細研究同影相, 功課都閣置一邊唔理住...





整體用料好好, 主翼內藏碳纖補强, 翼形幾厚, 相信浮力會幾好...








機身木架好厚, 輕木加實木薄皮, 打橫有三條碳纖, 機尾頂部亦有三條幼碳棒...








腳架用碳纖做, Cowling同Wheel Pants都係用Fibre, 非常高檔...

整體上覺得好輕, 飛行重量可能比540T輕啲...

要開始睇RC Groups裏面嘅Katana Mini Discussion, 到現時為止有5 Part, 真係有排睇...

睇完Bronney室內玩R3D Mini, 佢手機真係犀利...


玩Sim練Landing已經有一段日子, 雖然未覺得悶, 但已覺得進步不大, 睇嚟要實戰先至可以增進經驗...

前兩日開始用XTR練Hovering, 雖然一直對Hovering不感興趣, 但呢個係玩花式機必修項目, 無得偷雞...

XTR有一個練習課程, 可以先練Throttle, 再練Throttle加Elevator, 之後再加Rudder, 循序漸進...
我覺得Throttle加正Rudder易練過Throttle加正Elevator, 不過Rudder再加Elevator就亂哂龍, 仲未搞得掂...

早排Download咗Hitec Optic 6嘅Manual同Tutorial, 份Manual寫得幾詳細, 好多飛機操作模式都有解釋, 例如Differential Aileron, Flap, Landing Mode等...
Tutorial就比較Practical, 差唔多係Step By Step咁教每一個操作模式嘅Setup...
睇完呢兩份文獻, 真係獲益良多, 久唔久要拎番出嚟睇睇, 應該另有一番領悟...

Optic 6都有好多Function, 對我現時嚟講, 足夠有凸...
除咗佢係6 Channel之外, 唔知同Futaba FF9差幾遠...

房仔話Hitec喺外國好出名, 比Futaba更多人用, 香港就唔係咁多地方有得賣...
如果要用Optic 6個PCM, 一定要用番Hitec嘅QPCM接收, 我諗都唔係咁易買到...
PPM就無所謂, Futaba/Hitec個Transmit Shift係Negative Shift, JR/Multiplex就係Positive Shift, 只要Set正咗就用得, 都幾方便...

上星期覺得好疲累, 所以無打算去玩...
不過星期六無落雨又微風, 真係後悔星期五晚無义電...

Zero差不多維修完成, 用Towerpro 2030 4700KV加金屬摩打座, Set咗下攻角同右傾角, 主翼就未Check, 應該無乜大問題...

如果星期六無雨落, 會同阿Dick去將軍澳試佢架E-Starter...
今次都係幫佢飛起咗, Set好哂啲行程先至交個控俾佢, 穩陣啲...

依家諗緊點樣改架Formosa, 診佢未爛得哂, 仲可以搞搞佢...

Aileron改用兩隻Servo, 反應更加靈敏, 又可以玩Flap同Differential Aileron, 就算撞爛都無咁肉赤...

跟住再搞搞個Wheel Mount, 今次要整得好啲, 唔可以一Land就爛...

估計機重會有650g左右, EMAX BL2215/20應該夠力有餘...

前幾晚研究個EMAX BL2215/25點解唔夠轉數, 拆開之後, 啤令無事 ,又無斷綫, 磁石又無碎, 一頭霧水...
後來發現枝芯有一圈花痕, 應該係粒機米造成...

粒機米喺用嚟上實摩打外殼落摩打芯, 摩打外殼機米牙有少少撻, 所以咬唔實枝芯, 引致打滑, 轉數不足, 條芯嘅花痕就係咁樣做成...

我將枝芯嘅機米位磨成一凹位, 再加縲絲膠黐實粒機米, 今次應該實淨好多, 遲啲有時間再試番個摩打...

上星期買咗個金屬摩打座俾個Towerpro 2030 4700KV...
有三種齒輪比, 摩打齒同大減速齒都係用機米收實, 轉換非常方便...

安裝摩打後發覺齒位有啲緊, 唔係咁暢順, 唯有用鋤整低啲個摩打縲絲位, 咁就順哂...

以前用GWS膠摩打座, 摩打食力位好薄弱, 一撞就歪, 跟住就掃牙兼爆摩打座, 維修非常麻煩...
希望個金屬摩打座可以捱得耐啲, 就算大減速齒或軸爛咗, 都可以用GWS Parts替代, 遲啲可以試下Himark 3200或4200KV摩打, 質量應該唔差...

星期六一早起身, 去到九龍城碼頭, 落車後發覺好大風, 要攬住架機嚟行...
去到有一個位, 大風到唔敢行, 好驚吹爛隻翼, 要等風細啲先至行得...

去到啟德, 都仲係好大風, 唯有開張櫈坐喺度等, 完全唔敢玩...
見到啲鷹都踎哂喺圍板上面, 有啲就低飛, 不過都係俾風吹到失哂方向...

後來房仔嚟到, 都係一臉無奈, 唯有一齊晒太陽吹水過日辰...
啲風大到差啲連講嘢都聽唔到, 又有風沙, 真係以為打緊風...
最後等到12點半, 啲風只係細咗少少, 為咗唔想抄機, 保留實力, 都係打道回府為上策...

番到屋企睇番天文台風力指數, 最高原來有27km/hr, 平時飛15km/hr左右已覺得大風, 今次仲差唔多大風咗一倍, 又比天文台揾笨...

星期五晚準備Edge 540T喺星期六飛, 天文台預測初時2級微風, 後轉4至5級...

上次架540T避直升機撞圍板機頭粉碎, 依家加咗12枝碳棒補強機頭, EMAX BL2215/25亦換咗枝芯...

喺屋企測試時發覺摩打轉數唔夠, 以為個新Align RCE-BL25T電變唔掂, 即刻換番Otter BS40A再試, 情況一樣...
好彩仲有一個新嘅EMAX BL2215/20, 換咗之後即刻無事, 結果搞到點幾鐘先至搞掂...

其實我都想試吓用2215/20, 因為推力比25更大, 用喺540T應該更適合...

今期航空模型, 約略講解點樣做Stall Turn, 睇完先至知道以前所做嘅Stall Turn, 完全無Stall嘅神髓, 只係Up Turn...

原來Stall Turn係要用CG位做圓芯轉, 油門同Rudder嘅控制時間要有一定技巧...

我覺得要玩得好, 一定要有理論同實踐, 相輔相乘, 如果有導師指點當然係最理想...

上週未要留喺屋企做Take-Home-Test, 又要停飛一週...

三隻機都有嘢爛, 冇一隻飛得...

依家主力整番隻Edge 540T, 星期六可以去飛...

尋晚雖然病病哋, 但都努力苦幹, 完成8成維修, 希望可以喺星期五前搞掂...

又要再讚吓架Formosa, 有一次做Stall Turn, 上升時偏右傾斜, 但夾硬打左Rudder令機體左轉, 落嚟時機體失哂方向, 有少許失速縲旋, 不過好易就用Aileron加Elevator擺番正架穖, 機身長都係著數啲...

下次試吓Set個Aileron同Elevator嘅Exp, 因為覺得架機打大角時有啲反應過敏...

仲有要用Simulator練習用Rudder轉向, 房仔指導Landing時用Rudder會無咁易失速, 真係要苦練吓先至得...

星期六玩得2個Flight, 唔夠皮; 星期日再去啟德用埋义咗嘅電...

好彩屋企仲有個Otter BS40A做後備, 換好試完就即刻去啟德...

天文台話有4-5級風, 不過實地就覺得比預期中細, 好似仲細風過將軍澳...

以前用EMAX BL2810搭BS40A, 因為個2810最高電流係25A, BS25A應該頂唔順...
後來亦試過EMAX BL2215/20搭BS40A, 但嫌個BS40A綫性唔夠好, 半雞5A, Full雞17A, 古古怪怪...
今次無得揀, 唯有試吓呢個配搭...

裝備:
- EMAX BL2215/20 1260KV
- EP8060, EP9047, APC 9.5x5E, APC 10x4.7SF
- Otter BS40A ESC
- Futaba 156F Rx
- Zeta-Plus 11.1V 1800mAh 16-20C

第一個Flight用最穩陣嘅EP8060槳, 我習慣用半雞作平常飛行, 今次半雞好明顯覺得唔夠力...
今次Landing嘅草堆面積唔大, 都須要Land得幾準...
第一個Flight未熟Landing Path, Land咗喺遠遠少少嘅草堆, 仲俾條草Kick住...

第二個Flight轉用EP9047槳, 機速更慢, 不過好力啲, 只係玩咗Roll, Loop, 反飛等基本動作...
今次聽房仔話, Land喺近啲嘅草堆...

第三個Flight用APC 9.5x5E槳, 都幾好用, 起碼唔洗鑽大個槳窿, 又硬淨啲, 機速夠快, 又夠力...
練習Knife Edge從左至右, 不過Rudder行程同面積唔夠, 高度跌得好快...
房仔提議試吓由右至左, 今次維持得耐好多, 起碼4秒, 房仔話可能係摩打Set咗右攻角, 所以比較夠力繼持得耐啲...

喺第四個Flight前, Check番Rudder左右EPA都係140, Dual Rate係100/60...
原來我喺星期六開始記錯咗個Dual Rate制, 以為向下係High Rate, 唔怪得架機咁柔, 真係笑死人...
跟手設定Rudder個High Rate做130...

第四個Flight用番APC 9.5x5E槳加打大角, 再試左至右Knife Edge, 今次好好多...
再練吓Stall Turn, 不過大風, 向上升o個吓唔夠直, Turn完落嚟最多都係Roll到2圈...

第五個Flight用APC 10x4.7SF槳, 我係第一次用SF槳, 加上係10吋槳, 推力真係幾大, 不過未有機會度電流, 估計接近20A...
Landing時機速過快, 發覺唔夠位想俾油走人, 但又俾啲長草Kick住, 跌咗落地, 機翼機身分離, 不過啱啱用哂啲電, 返屋企再維修...

星期六去咗將軍澳玩Formosa, 今次打算試Auto-Brake...

去到場地, 立即設定Auto-Brake, 但個Otter BS25A電變好似傻傻地, 插咗幾次先至有反應...
飛咗2個Flight都相安無事, 淨係大風咗少少, 動作做得唔靚...

準備第三個Flight時, 發覺有一邊Aileron鬆咗, 即刻黐番...

準備再飛時, 電變又係插咗幾次先至有反應, 試Full雞就窒油, 再試多一次都係咁...
拆咗隻主翼, 有少少燶味, 電變其中一條摩打線嘅IC已經黑咗, 又燒一個...

呢個已經係我第二個燒嘅Otter BS25A電變, 上次直頭出煙, 啲燶味好耐都唔散...
房仔o個隻又係無拿拿喺架Tigermoth出哂煙燒咗...
阿輝都燒過一隻, 不過好似係因為駁錯線...

我今次會買Align 25A系列, 起碼係台灣品牌, 有信心保證...

同日阿Dick再用Align 430L 3550KV加雷記Gear Box 4.5:1試架巨型Kyosho高翼Foam機...
Align 430L好夠力, 900g機重都無問題, 好可惜飛行唔夠十秒就墜毀...
Bronney架R3D-Mini就高空甩槳, Glide番落地, 無事...
阿邦架小旋風用Align 450L 1400KV搭9x6槳, 速度好快, 最後Hard Landing, 斷頭收場...