復活節去完台灣之後, 隻右腳腳掌又開始痛...
初時都無理會, 繼續跑步練氣...
兩個星期前, 開始越來越痛...
捱到上星期五先至睇醫生...

醫生話腳底條大筋發炎, 要食消炎藥, 如果食完藥都仲係痛, 就要做物理治療...
最搞笑係醫生話我太重, 條筋負荷唔到, 建議我減番三五七磅...
其實我都想減磅, 但係工作辛苦, 放咗工就會食多咗, Keep住唔增磅都已經偷笑...

睇完醫生後, 都係忍唔住, 買埋隻Metal Gear Solid 4, 早買早享受...
不過番到屋企都只係Install咗, 唔識玩, 又要睇Manual...

由於想隻腳休息吓, 雖然天氣好, 但都係為健康著想, 留喺屋企休息好啲...
休息咗兩日, 都未覺有明顯好轉, 睇嚟都係手尾長...

諗住架Edge 540T 10e唔會賣得好多錢, 決定整埋佢...

喺屋企除玩GTA4之餘, 將Helios 10e啲Servos拆出嚟, 準備畀架Edge 540T用...

上次唔覺意踢到Helios個Elevator, 隻Futaba S3110掃咗牙, 今次順手換牙...
o個次架Helios做完Normal Spin後墜機, 機身及腳架位有少少裂, 用502修補...
主翼就未維修, 遲啲先至搞...

昨晚開始整Edge 540T主翼, 真係好麻木, 豪無新鮮感...
不過呢架好大可能係我嘅畢業Balsa機, 我諗我都會慢慢享受今次整機嘅樂趣...

星期六下午又有特別任務, 夜晚返到屋企已經累到唔想郁...
近排天氣好差, 所以一早已經無打算去飛, 估唔到星期日咁好天, 不過實在太累, 寧願休息多啲...

考慮整唔整架Edge 540T...
賣咗佢嫌可惜, 但又懶得整...
如果整埋佢, 就玩咗5架同期嘅10e, 想比較吓佢地嘅分別...

但又好想整架GeeBee EPP BX, 都係3D機吸引自己多啲...

依家晚晚都玩Grand Theft Auto 4, 個劇情好似睇戲咁, 不過應該無兩個月都玩唔哂...
又心思思想買另一隻大作, Metal Gear Solid 4...

最近開始Backup啲相落DVD...
十年前買嘅第一部DC, 得35萬象素, 質素差到嚇死人, 部機都無乜用過, 都唔明點解果陣時會買...
儲到依家, 未計去旅行影嘅相, 都已經接近40GB, 數量過萬, 其實都唔知會唔會睇番...

睇嚟架Edge 540T都要等有心機先至動手...

研究咗幾日PLAYSTATION 3, 部機可以用嚟打機及睇BD, 但都未夠推動力令我去買...
後來爬文發現部機可以做DVD Upscaling去1080p, 呢個Function對我嚟講極之有用...
最後終於忍唔住手, 星期五去銅鑼灣Sony Style睇睇, 可惜啲Game無邊隻啱玩, 再去皇室堡玩具反斗城, 更加失望, 結果空手而回...

諗住星期六朝早去旺角Sony Style, 點知黑雨, 唯有等到下晝先至去...

可惜旺角Sony Style同銅鑼灣差唔多, 最後選擇口碑好好嘅Grand Theft Auto 4...
原本諗住買埋個Blu-ray搖控器, 不過Sony職員話可以用手掣代替, 咁就慳番二佰幾...

番到屋企, 首先試睇DVD, Upscale嘅效果好明顯, 比起部用咗六年以上嘅Sony DVD Player, 畫面細緻好多, 顏色亦較為豐富...
部Sony DVD Player已經係用色差輸出, 可能太舊, 只係出到480p, 所以效果差好遠...

部PS3都幾熱, 尤其係個機底, 機背亦有熱風出, 又係一部食電電器...
另外, 個手掣雖然係無線, 可惜無Dual Shock...

至於隻GTA4, 唔係好識玩, 週圍去聊事鬥非, 要花少少時間睇睇Manual...

其實想買Blazing Angels 2, 駕駛World War II戰機執行任務, 可能呢隻Game較冷門及較舊, 兩間Sony Style都無...

星期日天色麻麻哋, 去鴨記買多條HDMI線, 花多眼亂, 價格由幾十到千幾都有, 最後買咗條$160嘅德國貨, 其實好懷疑係咪真係德國貨...

跟住去黄金逛逛, 估唔到真係畀我搵到隻Blazing Angels 2, 得一間有得賣, 好好彩...

呢個Game好過癮, 第一關揸架Spitfire Mk. I做訓練任務...
操控可以利用SIXAXIS去控制Elevator及Rudder, Aileron及Throttle就用番Right Stick, 非常過癮...
不過我都係鐘意用番類似Mode 1做操控, Right Stick係Aileron及Throttle, Left Stick係Elevator及Turn...
個Turn特別少少, Rudder及Aileron會一齊郁, 好似用咗Program Mix咁...

攻擊地面時用Stall Turn, 被敵機追擊可以用Snap Roll避子彈, 打Loop及反飛就更加係常用技術, 玩到唔停得手...
5.1聲道輸出, 音響效果幾震撼...
最可惜畫面只係得720p, 不過基本上都足夠...
另外, 再買多個Dual Shock手掣, 玩起上嚟更加有手感...

星期一係假期, 好猛太陽, 不過都無打算去玩飛機...
今年好怕熱, 見到出面咁晒, 寧願留喺屋企, 唔想咁辛苦...

之前未轉高清時, 見到高清翡翠台「天與地」廣告, 已經好想睇...
前兩日走去買埋套「天與地」BD, 番到屋企即刻試睇...
插入PS3, 電視跟住顯示1080/24p, 正!!!
終於可以發揮個電視嘅真正實力...
番工咁疲累, 收工後睇吓大自然景色, 一大享受...

同之前喺高清台錄低嘅「天與地」作比較, 1080/24p明顯喺某啲移動畫面無震, 色彩較好, 電影感亦强少少...
高清台雖然係1080i, 但質素其實已經好好, 如果唔係有心比較, 基本上係可以接受...

我對音響組合其實唔係咁熱衷, 都唔趕住Upgrade上HDMI Amplifier聽DTS-HD, 如果個Sony 5.1 Amplifier唔壞, 睇嚟套System可以幾年唔駛再Upgrade...

上星期落咗幾日雨, 天氣預告又係壞天氣, 加上星期日又有特別任務, 所以一早已經打算停飛一星期...
其實玩到呢個階段, 已經無哂新鮮感, 飛唔飛都無乜所謂...
不過Sim就繼續每日玩一陣, 有心機時就會研習新花式, 無心機時就當平常練習...

屋企啲機除咗Primus EPP Z外, 已經掛哂上書房幅牆, 成為裝飾品...

曾經諗過整埋架Edge 540T, 一了百了, 不過近排都幾疲累, 下星期如有時間先至開始搞...

上兩個星期訂咗個Sony Full HD LCD TV, 終於可以投入高清及1080p嘅世界...
診機整理吓啲Hi-Fi及DVD錄影機等, 又忙咗幾晚...

LCD TV未送貨前, Eight HD838機頂盒已經到手, 加多個外置Maxtor Basics 500GB Hard Disk, 錄影好方便...
不過個機頂盒設計點都係差少少, 用得唔係咁順手, 要少少時間適應...
所謂Standby Mode, 個機頂盒其實仲係運作中, 只係無畀Output Signal, 所以機身會長時間保持微暖, 唯有加個時間制控制機頂盒及Hard Disk嘅開關, 節省電力...

據聞最新個Firmware(9-May)比上一個反應慢, 真係要諗諗需唔需要Downgrade...
個Optical Output都有啲問題, 有時會忽然出雜聲或無聲, 據聞呢個問題都幾普遍, 可能要換過條Optical Fibre Cable...

另外, 個外置Maxtor Hard Disk相當唔錯, 當機頂盒進入Standby, 15分鐘後, Hard Disk指示燈亦轉為慢閃, 唔知係咪Sleep Mode, Manual無寫, 不過其實就算個Hard Disk運作中, 都唔熱, 真係有驚喜...

個bbTV一向都冇睇, 質素差, 節目又唔吸引, 索性搬隻Wireless Broadband Router出廳, 代替個bbTV STB, 加隻Switch仔喺書房...

LCD TV終於Set好哂, 不過師父話條接收天線差, 收Analog Signal好弱, 有鬼影, Digital Signal就無問題...
前兩日落鴨記, 買咗個Maspro分線器, 再DIY咗4條AudioQuest線, 鬼影無哂, 不過Digital Signal又唔覺得强咗, Level及Quality都係分別Keep住喺52%及60%左右...

遲啲買埋PS3, 有得玩GT5之餘, 又可以睇Blu-ray碟, 咁就Perfect...

投資咗一大筆, 有排都唔可以再買飛機及用品...