上個星期五又打風, 八月無咗兩日人工, 好肉赤...
留喺屋企睇吓奧運, 整吓架GeeBee EPP BX, 一日咁就無咗, 寧願番工好過...

架GeeBee已經整好8成, 只要整埋Servo Extension Wires、開電池倉孔、量度CG位置等, 今個星期可以試飛...

架機有一個敝處, 接收及電子變速放喺機身上層, 再用一塊長EPP封實機身, 所以無可能更換接收晶體...
如果用魔術貼, 外觀會好差, 所以都係封實機身算數, 最多落少啲膠水, 必要時界番出嚟都易啲...

腳架係插入式, 可以隨時安裝或卸除, 攜帶方便...

約略量度過, 飛行重量約400g, 同Primus EPP Z差唔多, 完成後應該會再重10g左右...

架機主攻慢速及失速類動作, 用Dualsky XM2826CA-15搭10x4.7SF應該可以...

之前喺北西中國睇過GeeBee F.Air DV嘅介紹, 依家已經搵唔番條Link, 好在Download咗...
我都係睇咗呢篇文章, 先至對GeeBee好有興趣, 所以一有機會, 立即入手...

另外, 訂咗架Ultima EPP SOV, 同房仔一人一架, 可以交流經驗...
翼展1080mm, 飛行重量超過600g, 如果用Hyperion HP-Z2213-20搭10x4.7SF, 對摩打都會幾重負擔, 用輕電池減低飛行重量會較好...

感覺上Ultima機型較惡, 可能較Duplex及Primus難飛, 亦係對自己嘅挑戰...
其實都想試Duplex, 話哂都係鈴木貢司及鈴木俊一設計, 應該都係一架好機...
如果架Ultima SOV好飛, 下次嘅目標就係Duplex SOV...