整個星期都好忙咁搜集北海道嘅資料...

之前一直都有Keep住睇旅遊Forum, 睇到一啲有用嘅資料就會Bookmark起...
依家慢慢睇番, 有需要保留嘅就Copy落Spreadsheet, 留待出發前再翻睇...

另外亦Bookmark咗好多遊記, 全部都係實戰經驗, 對計畫行程好有用...

札幌及小樽有咁多好味道嘅食物, 只係擔心有無時間試得哂...
加上富良野嘅雪糕及蜜瓜, 想唔肥都好難...

相比起台北嘅小吃, 真係一天一地, 當然, 價格亦都係一天一地...
到依家諗起o個啲炸雞塊、胡椒餅及大餅包餅小餅, 都仲係覺得好飽, 我諗我以後都唔敢再食...
不過對台灣嘅麵線就好受落, 阿宗麵線及蚵仔麵線真係食過翻尋味...