昨日竟然一號風球, 又無得玩...

唯有留喺屋企繼續整架CAP 232...
已經搞掂咗九成, 今晚有時間就可以影相...

上星期同房仔一齊開咗個新Blog, 主要用嚟作為花式飛行技術交流, 一啲基本知識亦打算會寫低, 留俾新手做參考...

另外, 花咗啲時間改進自已個Blog畫面, 亦加咗YouTube Playlist喺fotop裏面...
練習Aerobatics真係幾花精神時間...

喺Simulator練習一兩日, 先開始有小成...
有啲動作又唔係架架機都做到...

香港地少人多, 可以飛嘅地方買少見少...
可以請教嘅師兄師傅亦唔多, 好多時都係靠自己盲摸摸...

認真咁講, 架機應該點Tune得好我都仲未識...
好似架魚魚唔係好做到Flat Spin, 我就唔係好肯定應該點樣去改進...

好羡慕外國有飛行會, 覺得佢哋好肯用心交流經驗(只係覺得, 實際唔知), 起碼佢哋有資深導師坐陣...

香港實在太細, 太少人玩Aerobatics...
識玩o個班制服團體又收收埋埋, 玩小圈子...

好多時因為進步緩慢, 我都有諗過唔好玩得咁認真, 好灰...
不過自己性格好難改, 如果玩得求其, 倒不如唔好玩, 直頭放棄離場好過...