上星期五落旺角, 買咗個Himark C28-12-26 920KV, 諗住留番將來飛3D機用...

當場開盒檢查, 覺得質素比想象中差, 不過咁嘅價錢, 都唔會去計較咁多...
但尾啤令有黑色污物, 咁梗係唔可以接受, 問阿叔開過第二盒, 佢口話無所謂, 不過聽落有骨, 我都無理佢咁多...
第二盒就乾淨啲, 啲線就無第一盒咁整齊, 不過我寧願揀盒啤令乾淨...

再望望Ikarus 3D機, 諗咗好耐, 好想買, 但無室內場玩, 秋天又開始大風...
心目中係Edge, 但架F3A又好靚, 好難決擇...
喺XTR, Edge靈活過F3A好多, 所以我偏好買Edge...
最後都係決定唔到, 索性放棄...

去到廣華街, Hyperion LVX1500-3S番咗貨, 二話不說, 再入兩排...

其實睇番Run-in嘅數據, 排電嘅輸出唔算突出, 不過真實飛行同恆流放電始終係唔同, 真正嘅實力要有待考証...

手上有6排新電, 舊o個4排Vislero 1300mAh都差不多要引退...
其實啲Vislero都未夠15個Flights, 所以平均咁計, Hyperion都好抵用...

依家主力飛1500mAh電, 如果想玩Katana Mini, 都唔能夠用大馬力摩打...

架CAP 232都係整得好慢, 每晚整30分鐘至一個鐘, 慢慢享受整機嘅樂趣...
反正今個星期天氣唔穩定, 睇嚟試飛都要順延到中秋後...

仲有架P-51D, 都唔知幾時先至有心情試飛...