Ban隻Nike+ Sportband同我o個隻都係差唔多時間買, 估計都係同一水貨...

三星期前, Ban話佢o個粒Sensor已經無電, 我當時仲話佢跑得多, 所以耗電較快...

估唔到美津濃香港半馬拉松錦標賽2010後復操時, 發覺我o個粒Sensor都係同一命運, 呢水貨嘅電池咁快就無電...

反正粒Sensor已經死咗, 一於拆開佢, 試吓自己換電池...

用咗10分鐘界開個殼, 原來粒電池只係CR2032, 屋企有存貨, 立即著手更換...

求其用膠紙黐實電池接觸點, 試試粒Sensor先, Sportband有反應, 初步證實粒Sensor無事...
將啲電線走靚啲, 蓋上個殼, 等待跑步測試...

後來到荔枝角公園跑, 可惜得到嘅讀數比實際少一倍, 之後仲Hang埋...
估計拆開Sensor時, 唔小心整壞咗個Piezoelectric Accelerometer, 搞到粒Sensor傻傻哋...

好彩之前已經喺Apple Store買定多一粒, 如果o個粒都無電之後, 先至決定係咪繼續用Nike+...