不知不覺又到國慶, 回想兩年前嘅呢日, 同Patrick及Mickey到將軍澳試飛翼龍, 當時情況仲係歷歷在目...

放喺地面, 俾油盡雞, 架機向前衝, 跟住升起飛越鐵網, 可惜轉眼已經翻轉直墜地面, 槳亦拆斷...
當時仲儍到去百佳買枝AA諗住黐番隻槳再玩過, 結果當然係唔得喇...

兩年後嘅今日, 已經擁有超過15架以上, 有幾架都仲未動工...
亦用咗一部半Nikon D2Xs嘅錢, 我諗比玩車仔用得更多...
精神時間都用咗唔少...
另外, 一雙手臂, 亦比以前黑咗好多...

至於技術, 當然比兩年前好, 但進步已經開始緩慢, 甚至覺得厭倦, 唔想再練習...
事實上, 已經無玩Simulator成個星期...

練習時, 亦問自己, 練得咁辛苦為乜?
為興趣? 呢個當然係, 但覺得興趣已經無以前咁濃厚...
挑戰自己? 都算係...
已經搵唔到第三個理由...

開始覺得迷失...
嚟嘅日子, 睇嚟要稍稍抽離, 俾自己一個Break, 休息一下, 將焦點放喺其他嘢上面...