幾個月前, rcgroups事先張揚Hyperion會出一架Helios 10e, F3A機種...
一直已經打算會買呢架機, 不過唔知幾時出...

雖然只係10e尺碼, 未必可以做到所有F3A動作, 不過淨係睇佢個Covering Pattern, 都夠吸引...

上星期得知香港已經有貨, 但由於剛買咗Zero Fighter, 所以打算唔買住...

睇咗一兩日, 都係忍唔住, 星期五去咗廣華街, 好彩有貨, 價錢比心目中貴, 不過千金難買心頭好, 早買早享受, 一於買咗先...

Hyperion啲機, 質素一向都好高, 但另一弱點, 就係網上資料不足...
佢自己個Offical Website係無資料, 要搵料都係要睇Air Craft或rcgroups...
但Air Craft就淨係得盒面o個張大Sticker, 內裏結構就要估估吓...

好似呢架Helios, 開頭以為Elevator及Rudder Servos好似Katana一樣放喺機身中間, 睇實物先至知原來係放喺機尾, 果然有進步, 雖然外觀較差, 不過實用性及效能較强...

磁石Canopy係新改良, Katana換電要翻轉機身由底入, 唔係咁方便...

Control Horns轉用玻纖物料, Wing Spar亦用玻纖補强...

主翼面積同Katana一樣, 左右翼用鏍絲, 唔用橡筋, 不過唔知上鏍絲會唔會好困難...

側面積加大咗, 做Knife Edge或4-Points Roll應該會更穩定...

Katana嘅彈弓腳亦換上鋁合金腳架加玻纖鞋仔, 雖然重量加大咗, 但美觀上加番唔少分數, 如果腳架係前傾, 咁就Perfect...

因為Katana及Helios設計極為相似, 估計飛行特性亦好類似...

暫時唔會整架Helios, 都係用Katana練習多啲先...

下一架整嘅目標係YAK-55SP, 用Hyperion HP-Z3007-26, 馬力比Z2213-16更大, 希望可以有驚喜...