星期日同房仔去咗警察體育遊樂會室內運動場睇第二屆香港室內電動模型飛機及直昇機邀請賽...

九點半去到, 點知仲未開始, 唯有食個早餐先...

十點幾番到會場, 花式飛行比賽啱啱好準備開始...

首先由深圳隊劉彩虹先生作示範表演, 不過可能時間尚早, 未Warm Up, 無乜睇頭...

跟住開始A組賽事...
雖然A組o個6個基本動作睇落好似好簡單, 但落到場就要睇臨場發揮, 有兩三位選手因掛網或墜地而要放棄...
第一二個Round後, 劉彩虹先生同其他三位香港高手領先...

過場時間有電直表演, 我估係深圳隊嘅示範表演...

B組賽事較A組多2個自選動作再加2分鐘Free Style...
劉彩虹先生發揮真正實力, 無論係做Circle, 2連Rolls, 或Rolling Circle都好流暢及完美, 得到唔少嘅掌聲, 我覺得非常精彩...
至於其他香港參賽者, 實力明顯係差一級...

B組賽事完結後, Mr Curtis Youngblood作電直表演, 毫無猶疑地作了一連串高難度動作, 嘆為觀止, 世界級高手果然係唔同啲...
雖然最後撠網並作緊急降落, 但可見其反應敏捷及決斷...
表演後全場掌聲雷動...
其實我覺得架電直好似一隻蚊咁左撲右撲, 雖然明知全部都係高難度動作, 不過我唔識欣賞...

上午賽事喺12點鐘左右完結, 計分後, 冠軍劉彩虹, 亞軍何家輝, 季軍林家豪...

下午有電直Fun Fly及飛機空戰比賽, 不過無興趣睇, 打道回府...

感覺上呢半日嘅賽事比較兒戲, 参賽者無準時到達會場, 觀衆亦唔多...
但好奇怪, 影相嘅人就幾多...

原本好期待有台灣黃奎智先生嘅表演, 不過希望落空, 李龍基先生亦未有到場...
希望下一屈會請多啲表演高手及有更多嘅参賽者...