近排用Katana Mini喺XTR練Hovering, 起初覺得呢架機都幾難Hover得定, 蜻蜓點水更加做唔到...
經過幾個Lunch嘅練習, 開始掌握到架機嘅特性...
我講唔出有乜嘢竅門可以加速進步, 通常我都係用時間去調節感覺及條件反射, 所以不停練習係好緊要...

依家蜻蜓點水已經可以做到, 不過都唔係十拿九穩...
再玩番其他較易機種如Yak-54 Mini, 可以Hover得好定, 發覺自己已經進步咗好多, 非常有滿足感...

其實最想練Torque Roll, 不過都係一個字... 懶...

最近亦睇緊IMAC嘅資料...
睇嚟IMAC嘅Style都好適合自己, 啲機種都係Edge, Extra, Katana等等...
"Compulsory"部份唔需要太多3D嘅技巧, 但要做到動作位置準確及過程流暢都唔係易事...
至於"Freestyle"部份, 可以運用較多3D技巧如Rolling Circle, Invert Harrier, Blender等...

嘗試喺XTR做"Hammerhead, 1/4 Roll Up, 1/4 Roll Down", 有啲難度...
莫講話要做到同一水平飛入及飛出, 開頭連1/4 Roll Down都轉錯方向...

睇完10個IMAC基本動作, 獲益良多, 起碼知道以後有乜嘢需要留意及改進, 再唔係漫無目的咁打Loop, Snap Roll及Stall Turn...
我諗要練哂o個10個基本動作, 都起碼要幾個月時間, 真係有排玩...

另外, 睇到John Glezellis嘅G-Fly, 複雜到暈, 冠軍級人馬嘅技術, 真係唔講得笑...

飛機有好多玩法, 可以玩滑翔、高速、像真, 或花式技巧如F3A、F3P、IMAC等等...
每個人嘅喜好都唔同, 各適其所...

不過可惜喺Forum玩Aerobatics嘅玩家唔多, 好似淨係得房仔, Bronney及自己, 想討論都無從入手, 有啲心淡...
唯有靠自己搵多啲資料, 睇多啲Video, 練多啲Sim...

依家手頭上嘅資料, 多到睇唔哂, 又中咗"資訊爆膨症"...
真係需要時間慢慢消化, 吸收唔到都係無用...