元旦日無出街, 繼續打機加整機...

Katana Mini個Canopy原裝用兩粒鏍絲固定落機身, 我嫌裝拆麻煩, 都係改用左右兩粒磁石方便啲, 不過機重就會增加少少...

個Cowling係用薄Fibreglass做, 表面啲油都好薄, 大力啲扭都會裂開...
廠方為咗減輕機重, 真係做咗好多功夫...

只差裝上摩打, 電變及接收...
仲要量度CG位置, 如果尾重, 可能要擴大Motor Mount中間塊補强板個窿, 令電池可以藏係Motor Mount裏面...

最後, Fine Tune埋啲行程就搞掂...

不過講就易, 以我依家嘅狀態, 都要預計下星期日先至可以試飛...

其實依家都無以前o個種好熱切試新機嘅感覺, 只係覺得不外如是...
就算係砌呢架機皇, 都唔係好用心機, 睇個Cowling就知, 絕對係馬夫了事...
可能真係整得太慢, 慢到火氣都過哂...

我性格比較心急, 無乜耐性, 睇嚟我都唔可以好似外國人咁, 整一架機可以整一年, 寧願一口氣衝兩星期, 三扒兩撥整好架機好過...