上星期天氣唔穩定, 所以無去放機; 反正興趣減淡, 去唔去玩都無乜所謂...

興趣減淡都係有原因...

依家得番啟德可以有足夠空間及跑道可以俾飛機升降, (新界地方不計, 因為對我呢個步兵嚟講實在太遠), 電直/油直開始大批進佔, 遲早啟德都係難逃封場嘅命運...

對我呢個飛機友嚟講, 無得玩Take Off及Landing, 倒不如唔好玩, (無轆3D機另計)...
如果啟德摺埋, 已經可以準備被迫暫停呢種運動...
就算有熱誠玩落去, 但室內或室外無場地練習, 都係無意義...

相反, 電直/油直需要空域相對較細, 又唔需要跑道升降...
萬一個場被封, 電直/油直機友們仲可以去另一塊草地或平地, 搵場易好多, 生存因素較簡單...

依家都唔打算再買花式機, 屋企啲珍藏都唔知有無機會出場, 都係睇定啲先至算...
雖然唔買花式機, 但打算買EPP 3D機, 因為空域需求較細, 希望仲可以有少少生存空間...

另外, 近排買咗兩條魚, 再加上重新建立一個蝦缸, 要上網搵料, 都無時間理會啲飛機...

不過, 既然無去玩, 繼續喺屋企維修Twin Dragon...
經過兩日, 機頭Motor Mount已經用3mm珍珠板重做, 自己都覺得幾滿意...
遲啲再油番藍色, 白色實在太齋...

依家只差腳架兩枝碳纖棒未黐, 因為將轉用650mAh 3S, 及加上補强主翼用嘅碳纖棒, 機重增加, 原裝腳架設計未必夠力, 所以可能會參考Ikarus Shockflyer嘅設計, 補强腳架...

最後, 亦要改啲Zeta-Plus 650mAh 2S去3S...
不過年近歲晚, 要大掃除, 又要搞蝦缸, 睇嚟都有排煩...