前幾晚開始維修架Twin Dragon...

整咗幾架木機後, 已經覺得悶悶地...
依家整番架珍珠板機, 另有一番樂趣...

根據上一次抄機嘅經驗, 覺得原裝設定較軟弱, 只能適合室內...
今次維修會以加强機體結構為目標...

兩塊主翼有少少變型, 所以由左至右, 一條坑, 埋一條3mmx0.5mm嘅碳纖棒...
主翼面再黐一層膠紙, 加强剛性...
有利必有弊, 每隻主翼重量亦由20g增至26g...
但我已經唔太著緊架機嘅重量, 只要飛得起, 重幾十克都在所不計...

兩塊垂直定位板, 原裝實在太軟, 所以亦加上3mmx0.5mm碳纖棒...
我估計依家個主翼結構, 已經實淨咗好多...

上次撞牆直插地面後, Motor Mount部份已經溶溶爛爛...
機頭要Cut走, 用3mm珍珠板重整一個, 都幾考功夫...

沉晚諗番轉頭, 如果當日試機時, 架機係被風吹去馬路, 而唔係吹向建築物, 萬一架機跌落馬路, 而咁啱又有車經過, 司機被嚇而扭呔, 最後發生意外...
越諗越覺得我當日唔應該喺o個度試機...
新場、新機加新機種, 幾種不利因數, 加上自以為喺Simulator練咗好耐3D機, 過度自信, 掉以輕心...

意外就係估唔到, 以後都係要引以為鑑, 無謂因貪方便而鑄成大錯...